妹妹是一頭重35kgs的寵物狗, 她的生活宗旨是多做多錯, 少做少錯, 唔做就無錯. 所以家中事無大小的事都一概不理, 甚至於連門口都懶看, 對所有陌生人都一律歡迎, 連吠都欠奉. 打不還手, 駡不還口. 究竟係EQ高, 定係懶得理, 無從考究. 我亞媽教佢學廣東話, 學極都學識, 無得溝通, 所以問唔到. 佢只知道每日生活只有食, 瞓同玩, 人生如此, 真係死而無憾.
有一個老朋友”細路” (佢亞媽咁叫佢), 做人的宗旨跟妹妹一樣, 有過之, 而無不及, 但係無人知佢現在究竟去咗邊. 喂! 老友, 你去咗邊呀, 我地個個都好掛住你呀! 見字請速回電!!! 若各位見到一個類似”細路”的物體, 請速留言, 厚酬.
BTW, 妹妹, 佢有一隻披着貓皮的寵物, 名字叫”爛地布”.
p.s. 我每次聽到最佳損友呢隻歌, 都會想起”細路”.
